Kabhi Kabhi Main Yeh Sochta Hoon! کبھی کبھی میں یہ سوچتا ہوں By Sachey Bhai

Yeh Sochta Hun Kabhi Kabhi Mai …..2
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..3
 
Aadam Ko Jisne Wujood Baksha, Wujood Ko Phir Numood Bakhsa
Numood Ko Tazgi Ata Ki, Ata Ki Haad Hashr Se Mila Di
Har Ek Zarre Ko Zindagi Di, Shahoor Ko Jis Ne  Aagahi Di
Hai Jis Ka Har Shaie Pe Naam  Kanda, Woh Kaun Hai Jis Ka Main Hun Banda
 
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
Yeh Aasman Yeh Barasta Sawan, Yeh Leh Lahata Mehehta Gulshan
Yeh Sabza O Gul Ka Narm Bistar, Yeh Keh Kasha Ki Haseen Chadar
Yeh Chaand Suraj Chamakte Tare, Haseeen Kudrat Ke Yeh Nazarae
Dhamakte Hai Kis Ki Chah Me Yeh, Mehek Te Hai Kis Ki Rah Mein Yeh
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
Woh Noor Jis Mein Hain Noor Uska, Woh Fahem Jisme Shaoor Uska
Woh Aankh Jis Se Woh Dekhta Hai, Zuban Jis Se Woh Bolta Hai
Jo Jawa E Noor E Kibriya Hai  Tamam Aalam Ka Aasra Hai
Zameen  Pe Rehmat Ka Aasman Hai Falaq Pe Kiska Woh Mehman Hai
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
Zameen Hai Na Yeh Aasman Hai Ajeeb Aalam Ajab Sama Hai
Niha Nahi Hai Na Woh Aayan Hai , Hai Koi Maujood Par Kaha(N) Hai
Udhar Yakeen Hai Idhar Guma Hai Bus Ek Parda Sa Darmiya(N) Hai
Nikal Rahe Hai Yeh Kiske Bazu, Simat Rahi Hai Had E  Maana Tu
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
 
MOHAMMAD E MUSTAFA (SAWW) Se Pehle, Kadamm Kis Ke Yaha Na Pohuche
Yahan Se Bhi Kutch Zara Sa Aage,  Jahan Pe Jalwe Hai La Makan Ke
Jo Nutq Ko Saaz De Raha Hai, NABI (SAWW) (SAWW) Ko Aawaz De Raha Hai
Yeh Kaun Hai Kya Hai Naam Is Ka, , Yahan Bhala Kya Hai Kaam Iska
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
KHUDAYA (SWT) Mujhko Muaf Karde, Nigah Mein Haq Ka Naoor Bhar De
Yeh Parda E Darmiyan Utha De, Haqeeqate MURTAZA (ASWS) Dikha De
HABIB (SAWW) Ka Wasta Hai Tujhko, Ilahi Itna Bata De Mujhko
Jo Tujh Se Mansoob Tera Dar Hai, Tera Hi Hai Ya ALI (ASWS) ) Ka Ghar Hai
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
Ajab Hai Banda KHUDA (SWT)   Numa Sa, Khuda (Swt) Nahi Hai KHUDA (SWT)  Hai Lagata
Hai Milta Julta Kalam Iska, KHUDA (SWT)  Hi Jaisa Hai Naam Iska
Har Ek Jaa Iska Noor Bhi Hai, Jala Chuka Kohe Toor Bhi Hai
Hawa Jo Kabe Se Aarahi Hai, ALI (ASWS) ALI (ASWS)  Gun Guna Rahi Hai
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..
 
Makan Hai To Yeh La Makan Hai, Kise Pata Teri Had Kahan Hai
Koi Nahi Aur Jis Se Poochun, Na Tujh Se Poochu To Kisse Poochu
Ghata Ki Soorat Mein Log Ghir Ke. Wiqar E Kaba Ke Gird Phir Ke
Yeh Kis Ko Sajde Guzar Te Hai, Yeh Kis Ko Aakhir Pukarte Hai
 
Kabhi Kabhi Main Yeh Sochta Hun, Yeh Sochta Hun Kabhi Kabhi Mai …..

Reciter: Sachey Bhai (Ali Mohammad Rizvi)
Author: Sachey Bhai (Ali Mohammad Rizvi)
Source: http://www.ziyaraat.net/nohawrite.asp?nohid=516&imgfile=KabhiKabhiMayYehSochtaHoon.jpg
Art: http://miladps3.deviantart.com/art/The-Fathers-Of-Ummah-408651109