اتعذب وانت ساكت حزينه . كلمات وغناء .. ادم الشاعر . مزيكا هشام اتش جديد2020

اتعذب وانت ساكت حزينه . كلمات وغناء .. ادم الشاعر . مزيكا هشام اتش جديد2020


الكلمات :
- - - - -
الحزن بيكبر أما الفرح يدوب بيسنن
شوفت صورتك بتكلمني بيني و بينِك " أنا بتجنن "
مش عارف إنسى يوم ما شوفتك و إنتي معاه
بنسى كل حاجة بس مش بنسى اللي نفسي أنساه

عـ البعد قلبك صمم , قلبي في بُعدك ضلم
و العالم بدونك مرعب أنا مش لاقي حاجة تطمن
حاولت أكلها بـ الحلال فـ جسمي عضم
يعني بمشي جنب الحيط و كمان عايزاني يا دنيا أحضّن !

و إنت اللي إخترت , بعدنا زي السما و الأرض
كإن البعد إتحول فرض لـ أي إتنين بيحبوا بعض
و متبقاش أنا جنبي فرد بعد ما قولت إن أنا بطلت
لو ملاقوش فـ كتابتي غلطة هيطلعوا العيب فـ الخط

فاهمني ! .. الناس دي عايشة بس عشان عايزة توقعني
يعني لا منهم سمعوا تعبي , ولا عايزين الناس تسمعني
و صاحبي بقى بيعدي من قدامي و مش بيسلم
أنا دقت على راسي طبول و محدش طبطب كله إتحزم
- - - - -
أنا إتجننت رسمي و اللي بيأكدلي
سمعت صوت جوايا ندهلي و قالي : أبوس إيديك أقتلني
غرهم شكلي و كله شاف العيشة إرتاحت
وشوشتني الدنيا و قالت : إتعذب و إنت ساكت
- - - - -
أول ما إتسطلوا , كله طلع اللي في بطنه
كله سب و عاب في صاحبه , و اللي عنده سر فضحه
بقيت أنا حافظ الفيلم عشان بقى كل يوم يتعادلي
بتبدأ : كتف فـ كتف , و بتنتهي : بعتني بـ كام يا عشري !؟

الفرح بعدك قل أما الحزن زي الرز
قالت : همشي , و قلبي تبت , بس عقلي قالي : طظ
هتحب مين يا عبيط ما تبص الأول للي في جيبك
لو على "شكل" مش اللي هو , و لو على "روح" فـ حضن غيرك

مقدرش أبسط حد , ده الجمهور اللي بيسمعني
مطالش مني كلمة حلوة كل كلامي كان عن تعبي
يقولولك : أحكي , تقول : تعبت , يقولوا : أكتر منك
شافوا " إن إنت اللي بتبطر , و إن الكل نفسه في عيشتك "

بسيب البيت و مشاكله و برجع برده ماليش مكان
أنا اللي بهرب منه و أنام بشوفه برده في الأحلام
منحوس .. أزهري و طلعت شيطان , شوفت الحظوظ !؟
أنا بحلم و أبذل مجهود و غيري بيحقق بـ الفلوس
- - - - -